Абноўлена: 31.01.2018

  ddu314.minsk.edu.by

  • Менск, вул. Багдановіча, 68а

  +375(17)334-50-25


Згодна інфармацыі камітэта па адукацыі Мінгарвыканкама, у 2017/2018 навучальным годзе у гэтым садку ёсць групы з беларускай мовай навучання
  • 2-3 гады
  • 3-4 гады
  • 4-5 гадоў.

Даведка ад СВАІХ:

У садку новая загадчыца, Алена Аляксандраўна, маладая, прыемная на голас, адзначыла, што цікавасць да іх беларускамоўных групак вялікая, таму яны перапоўненыя, у яслях зараз 22 дзіцяці, па яе назіраннях, дзеці не абавязкова з беларускамоўных сем'яў, але, калі бацькі прыходзяць, кажуць, што размаўляюць і на мове, расказала пра двухмоўе і складанасці ў адаптацыі дзяцей, выхавацелькі, па яе словах, размаўляюць толькі на беларускай мове (студзень 2018)
 

Водгукі

Увайдзіце ці зарэгіструйцеся для таго, каб напісаць водгук.

Паглядзець дэталёвы рэйтынг

Кася Васільева
02.03.2018
У садку дзьве беларускамоўныя групы, 3 і 7. Дачка наведвае 7-ю групу. Група рознаўзроставая,дзеці 3-6 гадоў. Усе дзеці з беларускамоўных сямей, паміж сабой таксама стасуюцца па-беларуску, магчыма, хто й трасяніць, але я не бачу тут праблемы. Дачка не прыносіць дадому рускіх словаў, не ўжывае іх, але выдатна разумее, і такая сітуацыя мяне цалкам задавальняе. Педагогі настолькі цудоўныя, што я,з маім савецкім дзяцінствам, нават не ўяўляла, што педагогі дашкольнай установы бываюць такімі. Спадарыні Таццяна і Вераніка добразычлівыя,спагадлівыя, добрыя, творчыя, клапатлівыя, вельмі ўважлівыя. Калі ў дзіцяці кепскі настрой, заўжды заўважаць, пацікавяцца,падтрымаюць. Размаўляюць з дзецьмі нязмушанай прыгожай беларускай мовай.Я вельмі шчаслівая, што мая дачушка стасуецца з такімі добрымі людзьмі.

Паглядзець дэталёвы рэйтынг

Наталля Давыдоўская
19.01.2018
У садку дзве беларускамоўныя групы: 3 і 7.
Дачка наведвае 3 групку. І выхавацелькі, і нават нянька размаўляюць па-беларуску, шмат дзетак з беларускамоўных сем'яў. Так, ёсць і рускамоўныя дзеці, і астатнія сапраўды пераймаюць рускія словы ад іх. Я не бачу ў гэтым трагедыі і лічу, што на цяперашні момант сярод дзяржаўных садкоў Менска гэта найлепшае месца для беларускамоўных дзетак.
У нашай групе вельмі добразычлівая і прыязная атмасфера, выхавацелькі і нянька любяць дзетак, няма прымусовых кармёжак, сварак, абразаў, дзеці разняволеныя і задаволеныя, адпаведна, людзі хочуць трапіць сюды, нават калі абыякавыя да беларускай мовы.
Па-беларуску супрацоўнікі размаўляюць добра і нязмушана, наколькі магу меркаваць, увесь час, а не толькі на занятках. Падаецца, нават фізкультура ў іх праводзіцца на беларускай мове. Выхавацелек дзеткі называюць "спадарыя Юля" і "спадарыня Наталля".
Святы арганізоўваюць на беларускім матэрыяле і з улікам беларускіх традыцый. Акрамя стандартных, ладзяць і адмысловыя мерапрыемствы. Так, зусім нядаўна было калядаванне паміж групкамі з зоркай, казой і мядзведзем.

Карціна не ідылічная, натуральна. Трэба ўлічваць, што гэта дзяржаўная ўстанова з усімі яе асаблівасцямі. Ніхто тут не арганізуе вам "як у Даніі" (былі і такія прэтэнзіі да выхавацелек). Варта памятаць, што шмат залежыць і ад бацькоў.

Паглядзець дэталёвы рэйтынг

Алена
16.01.2018
Сын хадзіў у гэты садок з 2012 да 2016г. Як раз у той год была створаная другая беларускамоўная групка(№ 3), бо жадаючых пайсці ў садок па-беларуску было значна болей, чым змяшчала існуючая(№7). Туды ён і патрапіў. Выхавацелькі і няня ў групе размаўляюць з дзецьмі па-беларуску, усе заняткі па-беларуску, дзве музычныя кіраўнічкі таксама, ладзілі файныя беларускамоўныя ранішнікі.

Дзеткі ў групе былі пераважна з беларускамоўных сем'яў, астатніх бацькі свядома аддавалі ў гэтую групу. Вядома ж, не ўсё так ідэальна. Наша 100% беларускамоўнае дзіця штодзень прыносіла новыя расейскаія словы і за гэтыя годы выдатна падцягнула рас. мову, што агулам не так і кепска ў сённяшніх рэаліях :)

Паглядзець дэталёвы рэйтынг

Наталля
16.01.2018
Мы ходзім ў 3 групу (думаю, што яна лічыцца на паперы групай 3-4 гады, па сутнасці рознаўзроставая). Стан такі:
1) Выхавацелі размаўляюць ў асноўным па-беларуску, заняткі з дзецьмі праводзяць па-беларуску.
2) У мінулым годзе было больш беларускамоўных дзяцей, і ў цэлым у асноўным гучала беларуская мова.
3) У гэтым годзе набралі багата рускамоўных дзяцей, і адпаведна ўсе дзеці перайшлі на рускую мову. Гуляюць між сабой і гутараць між сабой толькі па-руску.Выхавацелі з імі працягваюць спрабаваць размаўляць па-беларуску, але не заўсёды, бо не ўсе дзеці іх разумеюць. Адпаведна групу ўжо нельга назваць беларускамоўнай па сутнасці. Праблема ў першую чаргу пачынаецца з аддзелу адукацыі, які накіроўвае дзяцей у гэтую групу, не зважаючы на іх валоданне мовай і зацікаўленасць ёю авалодаць. Другая крыніца праблемы - бацькі, якія як бы хочуць, каб дзеці ведалі мову, але дома не размаўляюць, нічога не робяць па-за садком, а адзін садок мовы не дасі. Таму, нажаль, нашу групу ўжо не назавеш беларускамоўнай.

Паглядзець дэталёвы рэйтынг

Матуля
15.01.2018
Наведвалі садок да 2016 г. Мой сын дасюль успамінае яго добрым словам. Тады былі 2 рознаўзроставыя групы (цяпер, магчыма, болей). Дзіця з беларускамоўнай сям'і абавязкова знойдзе сабе кампанію; дзецям з рускамоўных сем'яў было цяжэй адаптавацца - якраз праз мову, якой дома відавочна не карыстаюцца.
Выхавацелькі ў беларускамоўных групах цудоўныя - вопытныя, спакойныя, упэўненыя, мова пастаўлена вельмі добра. Дарэчы, адно з нешматлікіх месцаў, дзе да супрацоўнікаў усе дзеці звяртаюцца ў адпаведнасці з беларускай традыцыяй (напрыклад, "спадарыня Наталля").
Музычныя заняткі праходзілі на роднай мове.
Лагапед не валодае беларускай.

Паглядзець дэталёвы рэйтынг

Nadzeja Marozava
12.01.2018
У садку 2 сапраўдных белмоўных разнаўзроставых групы. Большасць дзяцей беларускамоўныя.